صلب المسيح
يدعى البعض أن المسيح لم يصلب وان الله رفعة حتى لا يهان نبية وهذا الادعاء ليس له أى دليل من الصحة لان الرسل وغيرهم عاينوا الحدث بل اكدوه فى الانجيل والرسائل وايضا يوجد السند التاريخى لتلك الحاثة فكيف يدعى البعض أن المسيح لم يصلب بدون أى دليل تاريخى وحجة منطقية ؟هل صلب المسيح من تاليف واخراج التلاميذ ؟ما المنفعة التى تعود على التلاميذ من هذا المسلسل ؟
،،، لا يمكن تكون قصة صلب المسيح مش حقيقية. كل المؤرخين في وقته أكدوا المعلومة. لو كان حد تاني اتصلب مكانه لكان الله أعلم تلاميذه وأسرته وماكنش يسيبهم معذبين. لا يمكن يكون التلاميذ اخترعوا القصة لأن أي مصلوب كان يعتبره اليهود ملعون من الله. فليه يألفوا قصة أن قائدهم أعدم كمجرم تحت قصاص من الله؟! مش بس اليهود رفضوا المسيحية بسبب الصليب، الرومان كمان سخروا من المسيحية اللي اعتبروها ضعيفة. لو حد عايز يبدأ دين جديد مايجبش شخص يعتبر مجرم ويعلن أنه مخلص العالم!! الناس ماكنتش عايزة مخلص بالشكل ده! التلاميذ صدموا وقت الصلب لكن أقتنعوا بصلاحه وقوته لما شافوه مقام من الأموات في اليوم الثالث وصاعد أمامهم للآب السماوي. المسيح أحبنا وبذل نفسه من أجلنا....افهمها بسرعة وبدقة.
بقلم الدكتور عماد عزمي
